కెప్టెన్ రాహుల్‌కే ఆ బాధ్యతలు: కుంబ్లే

Sports

యూఏఈ వేదికగా సెప్టెంబరు 19 నుంచి నవంబరు 10 వరకూ ఐపీఎల్ 2020 సీజన్ మ్యాచ్‌లు జరగనుండగా.. కెప్టెన్ కేఎల్ రాహుల్ వికెట్ కీపర్‌గానూ అదనపు బాధ్యతలు నిర్వర్తించబోతున్నట్లు పంజాబ్ హెడ్ కోచ్ అనిల్ కుంబ్లే తాజాగా స్పష్టం చేశాడు. ఐపీఎల్ 2019 సీజన్‌‌లో కెప్టెన్‌గా రవిచంద్రన్ అశ్విన్ పంజాబ్ టీమ్‌ని నడపించగా.. ఐపీఎల్ 2020 సీజన్‌కి అతడ్ని ఆ ఫ్రాంఛైజీ వదిలేసింది. దాంతో.. ఢిల్లీ క్యాపిటల్స్‌కి అశ్విన్ వెళ్లిపోయాడు. ఐపీఎల్‌లో గత రెండు సీజన్లుగా కింగ్స్ ఎలెవన్ పంజాబ్ టీమ్‌కి ఆడుతున్న కేఎల్ రాహుల్.. టాప్ స్కోరర్లలో ఒకడిగా నిలుస్తున్నాడు. ఐపీఎల్ 2019 సీజన్‌లో 14 మ్యాచ్‌లాడిన ఈ ఓపెనర్ 135.38 స్ట్రైక్‌రేట్‌తో ఏకంగా 593 పరుగులు చేశాడు. ఇందులో ఒక సెంచరీ, ఆరు హాఫ్ సెంచరీలు ఉన్నాయి. గత ఏడాది కింగ్స్ ఎలెవన్ పంజాబ్ టీమ్‌కి వికెట్ కీపర్‌గా వెస్టిండీస్ హిట్టర్ నికోలస్ పూరన్ బాధ్యతలు నిర్వర్తించగా.. ఈ ఏడాది కూడా అతను జట్టులో ఉన్నాడు. కానీ.. కేఎల్ రాహుల్ తమ ఫస్ట్ ఛాయిస్ వికెట్ కీపర్‌ అని కుంబ్లే తాజాగా ఓ ఇంటర్వ్యూలో చెప్పాడు.

Leave a Reply

Your email address will not be published. Required fields are marked *