Day: January 2, 2021

అమరావతి: ఆంధ్రప్రదేశ్‌లో గడచిన 24 గంటల్లో కొత్తగా 238 మందికి కరోనా పాజిటివ్‌గా నిర్ధారణ అయిందని ఏపీ వైద్యారోగ్యశాఖ తెలిపింది. కరోనా వల్ల పశ్చిమ గోదావరిలో ఇద్దరు, చిత్తూర్‌లో ఒక్కరు మరణించారు. రాష్ట్రంలో మొత్తం పాజిటివ్‌ కేసుల సంఖ్య 882850కు చేరింది. ప్రస్తుతం యాక్టివ్‌ కేసుల సంఖ్య 3194కు చేరగా..ఇప్పటి వరకు 872545 మంది కోలుకున్నారు. కరోనా వల్ల ఇప్పటి వరకు 7111 మంది చనిపోయారు. ఇవాళ్టి వరకు రాష్ట్రంలో 1,19,32,603శాంపిల్స్‌ పరీక్షించారు.

విశాఖ: ఏపీలో దేవాలయాలపై జరుగుతున్న దాడులను విశాఖ శారదా పీఠాధిపతి స్వామి స్వరూపానందేంద్ర ఖండించారు. అసాంఘిక శక్తులను నియంత్రించేందుకు దేవాదాయ శాఖ కఠిన చర్యలు తీసుకోవాలని ఆ శాఖ మంత్రి వెల్లంపల్లికి సూచించారు. ఈ ఘటనలపై మంత్రి వెల్లంపల్లితో స్వామి స్వరూపానందేంద్ర సుదీర్ఘంగా చర్చించారు. ప్రభుత్వ ప్రతిష్టతో పాటు, హిందూ భక్తుల మనోభావాలను దెబ్బతీసే కుట్రను నిరోధించడం అవసరమని ఈ సందర్భంగా తెలిపారు. ఆలయాల భద్రత విషయంలో కిందిస్థాయి ఉద్యోగులను సైతం అప్రమత్తం చేయాలన్నారు. మంత్రి వెల్లంపల్లితో పాటు […]

హైదరాబాద్‌ : తెలంగాణ రాష్ట్ర సమితి విద్యార్థి విభాగం 2021 కాల్యెండర్‌ను శనివారం తెలంగాణ భవన్‌లో ఆ విభాగం రాష్ట్ర అధ్యక్షుడు గెల్లు శ్రీనివాస్‌యాదవ్‌ ఆవిష్కరించారు. ఈ సందర్భంగా ఆయన మాట్లాడుతూ విద్యార్థుల సంక్షేమానికి ప్రభుత్వం కృషి చేస్తున్నదని పేర్కొన్నారు. విద్యార్థుల సమస్యలను ప్రభుత్వం దృష్టికి తీసుకువచ్చేందుకు టీఆర్‌ఎస్వీ వారధిగా పని చేస్తుందన్నారు. కార్యక్రమంలో టీఆర్‌ఎస్‌వీ రాష్ట్ర నాయకులు రవి కిరణ్, శ్రవణ్ కుమార్, కాటం శివ తదితరులు పాల్గొన్నారు.